Kasalukuyang Katayuan ng Claim

25-08-2026

EJEP: Ang panganib sa ‘reflagging’ ng Dutch shipowners ay isang isyung pinalabis at hindi makatwirang dahilan para sa diskriminasyon sa seafarers.

Ang Equal Justice Equal Pay Foundation (EJEP), na lumalaban sa diskriminasyong nararanasan ng mga Indonesian at Pilipinong seafarer sa industriyang shipping sa Netherlands, ay humiling sa House of Representatives ng Netherlands at ang Dutch na gobyerno na isaalang-alang ang opinyon ng SEO Economisch Onderzoek (SEO) ukol sa ulat na ipinagawa ng Ministro ng Imprastraktura at Pamamahala ng Tubig (Ministro) at isinagawa ng HCSS at Deloitte 'The flag register and the country of residence principle, economic and strategic value'.

Ang banta ng reflagging ay natagpuang walang basehan at ang bunga nito ay limitado lamang
Ginagamit ng mga Dutch na may-ari ng mga barko ang 'country of residence principle' para mabigyang-katwiran na dalawa hanggang apat na beses na mas mababa ang pagpapa-suweldo sa mga Indonesian at Pilipinong seafarer kumpara sa kanilang kasahamahang mula sa ibang bansa. Nagbabanta ang mga may-ari ng barko na magpapalit ang karamihan sa kanila mula sa bandilang Dutch kung hindi sila papayagang ipagpatuloy ang kanilang gawaing nagdudulot ng diskriminasyon. Ayon sa kanilang pag-aaral, ang konklusyon ng SEO (na may kaugnayan sa University of Amsterdam) ay pinalalabis ng ulat ng HCSS at Deloitte ang mga panganib ng reflagging ng mga barkong Dutch. Naniniwala ang EJEP na walang basehan ang banta na isuko ng mga may-ari ng barko ang bandilang Dutch.

Dagdag dito, inimbestigahan ng SEO ang maaaring idulot sa ekonomiya ng pagpapalit ng may ari ng barko. Ayon sa SEO, maaaring kakaunti lamang o wala talagang epekto sa ekonomiya ng Netherlands ang pagsasawalang-bisa ng 'country of residence principle' sa pagpapasahod ng mga Indonesian at Pilipinong seafarer. Natagpuan ng SEO na kulang sa ebidensya ang sinasabing maaaring negatibong epekto sa pampublikong interes tulad ng kaligtasan sa karagatan, pagpapanatili nito at strategic autonomy.

Ang nakaraang hatol ng Human Rights Institute: ang diskriminasyong ito ay ipinagbabawal
Noong 18 Agosto 2025, pinagpasyahan ng Netherlands Institute for Human Rights (CRM) ang dalawang kaso hinggil sa kasalukuyang gawain na sistematikong pagpapasahod sa mga Pilipino at Indonesian nang mas mababa sa kanilang kasamahang Dutch o Europeo para sa parehong trabaho sa parehong mga barko.

Sa desisyon ng CRM, sinabi na ang aplikasyon ng 'country of residence principle' na pinapatuloy ng mga may-ari ng barko na Dutch ay ipinagbabawal na diskriminasyong batay sa nasyonalidad at lahing nakasampa sa mga barkong Dutch. Ang mga seafarer sa mga paglilitis na ito ay sinuportahan ng EJEP. Kasama sa anunsyo ng Ministro, ang EJEP ay pinapanagot ang Estado, at ang mga shipping company, para sa mga pinsalang napagdusahan ng mga seafarer na kinakatawan ng EJEP.

Ang Equal Justice Equal Pay (EJEP) Foundation
Ang Equal Justice Equal Pay Foundation ay isang non-profit organization. Ang itinakdang layunin nito ay isulong ang kapakanan ng mga seafarer at mga dating seafarer na nagdurusa, nanganganib na magdusa, at/o nakaranas ng pinsala bunga ng mga gawa o pagkukulang ng isa o higit pang mga shipping company at/o mga third party. Sa ilalim ng layuning ito, ipinagtatanggol ng EJEP ang mga seafarer mula sa Pilipinas at Indonesia na kasalukuyan o dati nang nagtatrabaho sa mga barkong Dutch simula noong 15 Nobyembre 2016. Ang EJEP ay kinakatawan ng mga abogado mula sa Rubicon Impact & Litigation.

19-05-2026

Disclosure request

Nagsimula na kami ng mga legal na hakbang laban sa Wagenborg, isa sa mga malalaking shipping companies sa Netherlands, upang makakalap ng mga impormasyong mahalaga para sa ating kaso.

Partikular dito, hinihiling namin ang access sa lahat ng mga collective labour agreements (CAO’s at CBA’s) na ipinapatupad sa mga Pilipino at Indonesian seafarers, mga crew lists na nagpapakita ng nasyonalidad at tungkulin ng mga seafarers sa barko, at impormasyon tungkol sa corporate structure ng Wagenborg group of companies.

Noong Nobyembre 2025, pormal naming hiningi ang impormasyong ito nang direkta mula sa Wagenborg. Ngunit hindi sila tumugon. Dahil dito, wala kaming ibang hakbang kundi humingi ng access sa pamamagitan ng mga hukuman, gamit ang mga bagong Dutch rules sa preliminary disclosure (voorlopige bewijsverrichtingen).

Patitibayin ng mga hininging impormasyon ang ating kaso. Kinakailangan ang hakbang na ito para sa pagbuo ng pinakamatibay na posibleng kaso para sa patas na sahod at pantay na pagtrato para sa lahat ng mga seafarers. Patuloy namin kayong babalitaan habang umuusad ang mga pagdinig.

17-04-2026

Mga pagtutol laban sa general binding declaration

Nilalabanan namin ang request ng mga shipowners at labor unions na ipatupad ang diskriminatoryong Collective Labour Agreement bilang generally binding sa lahat ng Dutch merchant ships

Noong ika-27 ng Marso ng 2026, naglabas ang Dutch government ng panukala sa Government Gazette. Sinasabi ng panukala na gawing may-bisa para sa lahat ng mga Dutch merchant ships (CAO Handelsvaart 2026) ang buong 2026 Collective Labour Agreement (CLA) para sa merchant ships.

Noong ika-14 ng Abril 2026, naghain ng mga pormal na pagtutol ang Equal Justice Equal Pay Foundation. Tinatarget namin ang isang partikular na probisyon: ang Article 3(2). Ibinubukod ng probisyon na ito ang mga seafarers mula sa Pilipinas, Indonesia, at Ukraine sa mga standard wage at working condition na ipinatutupad sa kanilang mga kapwa manggagawa na European - kahit na pareho lamang ang kanilang trabaho sa parehong barko.

Naniniwala kami na dapat i-reject ang Article 3(2). Narito ang mga dahilan:

May diskriminasyon. Tinatrato ng Article 3(2) nang magkaiba ang mga seafarers batay sa kanilang nasyonalidad at kung saan sila nakatira. Nilalabag nito ang batas ng Netherlands at ang pandaigdigang batas. Kinumpirma ito ng Dutch Institute for Human Rights sa dalawa nitong magkahiwalay na desisyon noong Agosto 2025.
Gumagawa ito ng hindi patas na kompetisyon sa pagitan ng iba't ibang grupo ng mga seafarers. Layunin ng pagpapalawig ng isang collective agreement sector-wide na ang lahat ay para masigurong pantay ang laban at pareho ang batas para sa lahat. Kabaligtaran nito ang Article 3(2): pinahihintulutan nito ang mas mababang sahod para sa isang malaking grupo ng mga manggagawa.
Walang economic justification para sa diskriminasyong ito. Sabi ng mga employer na ang pantay na sahod ay makakasama sa shipping industry sa Netherlands. Ngunit ayon sa independent na economic research na isinagawa ng EJEP Foundation, hindi ito totoo. Ang mga labour costs ay maliit na bahagi lamang ng kabuuang gastos ng mga shipping companies sa Netherlands. At may iba pang mga paraan upang pamahalaan ang anumang pagtaas ng gastos.

Nananawagan kami sa Minister of Social Affairs and Employment na i-reject ang request na ideklara ang CBA bilang generally binding. Panahon na upang bumalik sa negosasyon – at bumuo ng isang kasunduan na nagbibigay ng patas na pagtrato sa bawat seafarer.

20-08-2025