Noong ika-3 ng Hulyo 2026, idineklara ng Dutch Ministry of Social Affairs and Employment na may pangkalahatang bisa ang Article 3 (2) ng Collective Bargaining Agreement (CBA) para sa mga Dutch merchant ships sa taong 2026. Ang desisyon ay inilathala noong ika-9 ng Hulyo 2026.
Noong ika-14 ng Abril 2026, naghain ng pormal na mga objections ang Equal Justice Equal Pay Foundation laban sa probisyong ito dahil sa diskriminasyong likas nito. Ano ba ang isinasaad ng Article 3(2) ng CBA? Ayon sa probisyong ito, maaaring bayaran ng mga shipowners nang mas mababa ang mga seafarers mula sa Pilipinas, Indonesia, at Ukraine kumpara sa ibang seafarers na Europeans, kahit pareho ang trabahong ginagawa. Ipinaglaban namin na ito ay diskriminasyon, tingnan ang aming update noong ika-17 ng Abril 2026. Kinumpirma ito ng Netherlands Institute for Human Rights sa dalawang hiwalay na desisyon noong Agosto 2025.
Sa kasamaang-palad, hindi tinanggap ng Dutch Ministry ang aming mga panawagan. Hindi nito kinilala ang mga desisyon ng Netherlands Institute for Human Rights at sinabing wala umano itong bisang legal. Ibig sabihin nito, maaaring ipagpatuloy ng mga shipowners ang diskriminasyon laban sa kanilang mga Pilipino at Indonesian na mga seafarers.
Nabigo ang loob ng Equal Justice Equal Pay Foundation sa desisyong ito ng Dutch Ministry, at nanlumo sa pagbalewala ng Ministry sa desisyon ng Netherlands Institute for Human Rights. Nananatiling determinado ang Foundation na ang gawaing ito ay hindi naaayon sa batas ng Netherlands at sa internasyonal na batas, at ipagpapatuloy nito ang laban para sa "equal pay for equal work."
